واخا موعتين ما ممفاكينش.. ها كيفاش تدربو 3 داللعابا مصابين قبل الماتش ضد فرنسا

عرفت الحصة التدريبية الآخيرة ديال المنتخب الوطني المغربي قبل نصف نهائي كأس العالم قطر 2022، ضد فرنسا غدا الاربعاء، خوض 3 عناصر من ليكيب التداريب بشكل انفرادي.
وكيتعلق الأمر بكل من أشرف حكيمي ويوسف النصيري ونصير مزراوي، اللي حضرو الحصة التدريبية هاد العشية فتيران الدحيل، وحسب ما شاف موقع "كود" اللي كان حاضر فاللعابا الثلاثة دارو تداريب انفرادية خفيفة وجراو فالتيران وما تدربوش مع لكروب.
للإشارة فعدد من اللعابا ديال المنتخب الوطني المغربي موعتين ملي بدا كأس العالم وكيصبرو باش يلعبو، ومن بينهم نايف أكرد اللي غاب على الحصة التدريبية الأخيرة قبل نصف النهائي، وغانم سايس اللي رجع كيتدرب مع لكروب، والثلاثي أشرف حكيمي ونصير مزراوي ويوسف النصيري.