المغرب صعد فتصنيف عالمي جديد من بعد الفوز على البرتغال والتأهل للمربع الذهبي فكوب ديموند

كيواصل المنتخب الوطني المغربي تصلق المراتب على المستوى العالمي وهادشي من بعدما نجح فالتأهل لنصف نهائي مونديال قطر 2022، فإنجاز تاريخي غير مسبوق فتاريخ كرة القدم المغربية والإفريقية والعربية، ملي ربح البارح منتخب البرتغال بنتيجة واحد لزيرو فربع النهائي.
وطلع المنتخب الوطني المغربي فتصنيف "فوتبول راكينك" ملي بدأ كأس العالم وصعد من المركز 22 إلى المركز 20، ومن بعدها للمركز 15 وثم صعد للمركز 14 ودابا طلع للمركز 11 عالميا، وربح 108.88 نقطة، من بعدما ربح البرتغال فالربع وتأهل للمربع الذهبي ديال كوب ديموند.
وقدر المنتخب الوطني المغربي يتأهل لأول مرة فالتاريخ ديالو لنصف نهائي كأس العالم قطر 2022، من بعدما ربح البرتغال فماتش بطولي تألقو فيه جميع اللعابا وفمقدمتهم لكول ياسين بونو، اللي حبس عدد من التسديدات ديال البرتغاليين، وهاكدا تأهل المغرب للمربع الذهبي كأحسن إنجاز إفريقي وعربي فكأس العالم.