غريب.. كوندي لعاب فرنسا لعب الشوط الأول بسلسلة فعنقو والحكم دوزها له

فوحدة من غرائب كأس العالم قطر 2022، لعب كوندي لعاب فرنسا الشوط الأول كامل تقريبا من ماتش منتخب بلادو اليوم الأحد، ضد بولونيا بسلسلة فالعنق ديالو قدام أنظار العالم اللي كيتفرج.
وملي بدا الماتش ما بين فرنسا وبولونيا، وكوندي لاعب بسلسلة فعنقو، واخا هادشي ممنوع من طرف الاتحاد الدولي لكرة القدم الفيفا وميستوجب الإنذار فحالة حصل لعاب وهو لابس شيحاجة ولاعب فماتش رسمي.
وتسنات الجماهير اللي كتفرج فالماتش ما بين فرنسا وبولونيا، حتى الدقيقة 41 من الشوط الأول، عاد باش شافت كوندي حيد السلسة من بعدما تدخل الحكم المساعد الأول اللي حصل اللعاب وهو داير السلسة فالعنق ديالو ونبه الحكم ديال الساحة اللي قاله يحيدها ولكن بدون ما يعطيه إنذار.
للإشارة فالمنتخب الفرنسي خرج متفوق فالجولة الأولى من ثمن نهائي كأس العالم قطر 2022، ضد بولونيا بواحد لزيرو، ماركاه أوليفر جيرو بهاد الهدف أصبح هو الهدف التاريخي لمنتخب فرنسا برصيد 52 هدف.