المغرب تأهل للمرة الثانية فتاريخو لثمن نهائي كأس العالم من بعد 36 عام ديال الانتظار

تأهل المنتخب الوطني المغربي للمرة الثانية فالتاريخ ديالو لدور ثمن نهائي كأس العالم، وهادشي من بعدما ربح اليوم الخميس كندا فالجولة 3 من دور مجموعات مونديال قطر 2022.
وربح المنتخب الوطني المغربي كندا بنتيجة 2 لواحد، وسجل للمغرب كل حكيم زياش فالدقيقة 4 ، ويوسف النصيري فالدقيقة 24، أمام هدف كندا ماركاه نايف لكرة على راسو
وبهاد الرباح تصدر المنتخب الوطني المغربي المجموعة 6 برصيد 7 النقاط تابعاه كرواتيا وصيف بطل العالم فالمركز الثاني برصيد 5 النقاط، وبلجيكا مولات المركز الثالث فكأس العالم 2018، واللي كتحتل المركز 2 فالتصنيف ديال الفيفا تقصات حيث جات ثالثة برصيد 4 النقاط وكندا احتلت المركز الاخير برصيد 0 نقطة.
وتأهل المنتخب الوطني المغربي من بعد 2 ربحات وتعادل فهاد ركوب الموت، لثمن نهائي كأس العالم للمرة الثانية فتاريخو من بعد 36 عام ديال الانتظار، حيث آخر مرة وصل فيها المغرب للدور الثاني من كوب ديموند كانت فمونديال ميكسيكو 1986، مع جيل الزاكي والظلمي وخيري، وغادي يتسنا وليد الركراكي ووليداتو ماتشات هاد لعشية ديال لركوب ، باش يعرفو شكون الخصم ديالهم فالدور الثاني من بين الصبليون ولالمان والجابون كوستاريكا.