مبابي تألق وأهل فرنسا لثمن نهائي المونديال بعدما ربحو الدنمارك

تأهلت فرنسا بطلة العالم للدور الثاني من مونديال قطر 2022، من بعدما ربحت الدنماركي اليوم السبت، فالجولة الثانية من البطولة بنتيجة 2 لواحد.
وتسنات فرنسا الشوط الثاني من الماتش باش تماركي حيث الشوط الأول سالا زيرو لزيرو، ونجح كيليان مبابي فتسجيل بيت التقدم للمنتخب الفرنسي فالدقيقة 61، وفالوقت اللي ظن كلشي بلي الماتش سهال على ديشان وولادو، ما تعطلوش الدنماركيين بزاف وجابو التعادل فالدقيقة 68 اندرياس كريستينسن، الشي اللي جعل الماتش يصعاب على الفرنسيين قبل ما يرجع مبابي ويضرب هدف الرباح فالدقيقة 86.
وبهاد الرباح كتكون فرنسا حاملة اللقب هي أول منتخب كيتأهل لدور ثمن نهائي كأس العالم 2018، وكتصدر المجموعة 4 برصيد 6 النقاط، من خلفها منتخب أستراليا اللي عندو 3 النقاط، وتونس والدنمارك بنقطة لكل منتخب فانتظار الجولة الثالثة باش يتعرف شكون المنتخب اللي غادي يرافقها للدور الجاي من هاد لكروب.