مونديال.. هولندا شمتات السنغال وربحتها

خسرت السنغال مع منتخب هولندا اليوم الاثنين، فالجولة الأولى من كأس العالم قطر 2022، عن المجموعة بنتيجة 2 بيوتا لزيرو.
وتسنات هولندا الدقايق الأخيرة من الماتش باش تخطف بيت الرباح، حيث اللعب فالشوط الأول والثاني كان طغى عليه التكتيك ما بين الفريقين باستثناء بعض الفرص القليلة، قبل ما يشمتو الهولندين أبطال إفريقيا اللي بانو متاثرين بغياب الكابيتان ساديو ماني وضربو عليهم البيت الأول فالدقيقة 85 بكرة ماركاها كود جاكبو فالشبكة السنغالية، وزادوهم البيت الثاني فاخر دقيقة بواسطة دافي كلاسين.
بهاد الرباح طلعت هولندا تقسم مع الاكوادور صدارة المجموعة 1 برصيد 3 النقاط، أمام السنغال عندها زيرو بوان هي وقطر، فانتظار الجولة الثانية اللي غادي تلعب فيها هولندا ضد الاكوادور والسنغال ضد قطر.