البوليس كانو رادين البال معاهم.. بزناسة بغاو يستغلو توقيت ماتش المغرب وكرواتيا ويهربو الحشيش ل سبتة

تمكن البوليس المغربي من ضبط كمية من المخدرات كانت مخبية ف صنادق داخل طوموبيل من أجل تهريبها إلى سبتة عبر معبر تراخال. هاذ بزناسة بغاو يستغلو توقيت ماتش المغرب وكرواتيا ويهربو الحشيش ل سبتة. قالو المغرب كامل كيتفرج ف الماتش اجي نجربو زهرنا، لكن البوليس كانو رادين البال وضابطين شغلهم..
البزناسة ظنو أن الماتش مغاديش يخلي البوليس يديرو خدمتهم بشكل دقيق، لكن العكس هو للي حصل. وسط الماتش دخلات طوموبيل وشكوك عناصر الأمن خلاهم يفلبوها مزيان وخذاو وقتهم وف الاخير تم ضبط كمية من الحشيش حسب الصورة المرفقة..