المنتخب ترينا فلاصال فانتظار الماتش ضد كرواتيا – تصاور

كيواصل المنتخب الوطني المغربي التحضير للماتش الأول له فكأس العالم قطر 2022، واللي غادي يلعب فيه ضد منتخب كرواتيا الأربعاء الجاي.
اللعابا ديال المنتخب الوطني المغربي ومن بعدما دارو حصة تدريبية البارح حيدو بها العيا ديال الماتش أميكال ضد جورجيا، دارو هاد الصباح حصة ديال تقوية العضلات فلاصال وسط أجواء حماسية وكلها نشاط.
وبدأ وليد الركراكي والطاقم التقني فالمنتخب الوطني المغربي واللعبا فاخر الروتوش، وكيوجدو ريوسهم للماتش ضد كرواتيا اللي غادي يكون عندو دور كبير فمصير المشاركة فكأس العالم 2022.
واش ليكيب ناسيونال غادي تمشي بعيد ولا غادي يبدا الجمهور المغربي يحسب بكالكيلاتريس فحال ديما، مع العلم أنه كاين تفاؤل كبير هاذ المرة بحكيمي وصحابو.