الخنوس اللي صدم بلجيكا قبل المونديال: كنفتخر بتمغرابيت وجدودي تزادو فالمغرب

عبر المغربي بلال الخنوس اللي كانت بلجيكا طامعة فيه يلعب معها، بلي مفتاخر حيث غادي يلعب فالمنتخب الوطني المغربي فبطولة بقيمة كأس العالم، كيفتخر حيث هو مغربي.
بلال الخنوس فتصريح له لموقع الجامعة الملكية المغربية لكرة القدم بانت عليه الفرحة وهو وسط الحصة التدريبية ديال ليكيب ناسيونال.
وقال بلال الخنوس: "كنفتخر حيث غادي نشارك فكأس العالم وأنا عندي 18 عام وهاذي تجربة زوينة كنعيشها وغادي نديرو انا وصحابي بطولة كبيرة، وراني مفتاخر كثر وبزاف بتمغرابيت ديالي وجدودي اللي تزادو فالمغرب وكنجي ندوز فيه ديما العطلة عند العائلة وكنفتاخر حيث لابس هاذ التوني".