المغرب هو المنتخب اللي مشارك فالمونديال بأكبر عدد من اللعابا اللي تولدو خارج بلادهم

المنتخب الوطني المغربي اللي غادي يشارك فكأس العالم 2022، هو أكثر منتخب من بين المنتخبات المشاركة فهاذ النسخة اللي كيتوفر على لعابا تولدو فبلدان آخرى وفضلو يحملو قميص بلادهم الأصلية وبلاد والديهم وجدودهم على التونيات ديال منتخبات الدول اللي تزادو فيها.
وكيتوفر المنتخب الوطني المغربي فالصفوف ديالو على 14 لعاب تزاد خارج المغرب، وهم ياسين بونو اللي تزاد فكندا، ومنير المحمدي اللي زايد فالصبليون، وغانم سايس ففرنسا، وأشرف حكيمي فالصبليون، ونصير مزراوي فهولندا، وسفيان أمرابط فهولندا، وسليم أملاح فبلجيكا، وأمين حارث ففرنسا، إلياس الشاعر وبلال الخنوس فبلجيكا، وحكيم زياش فهولندا، وسفيان بوفال ففرنسا، وزكرياء أبوخلال فهولندا، ووليد شديرة فالطاليان.
وكيجي من بعد المنتخب الوطني المغربي، منتخب تونس اللي عندو 12 لعاب تزادو خارج تونس غادي يلعب بهم كأس العالم قطر 2022، ومنتخب ومنتخب السنغال اللي حتى هو بنفس العدد من اللعابا اللي تولدو خارج بلادهم.