البطل المغربي سفيان البقالي تأهل للائحة النهائية ديال جائزة أفضل عداء فعام 2022

طلع البطل العالمي والأولمبي المغربي سفيان البقالي للمرحلة النهائية فسباق التنافس على جائزة أحسن عداء أو رياضي فألعاب القوى فالعالم لعام 2022.
وكيتواجد البطل المغربي سفيان البقالي فلاليست فينال ديال جائزة أحسن عداء فالعالم لعام 2022، مع كل من السويدي موندو دوبلانتيس بطل العالم في القفز بالزانة، والنرويجي جاكوب إنكبريكتسين بطل العالم لمسافة 5000 متر، والكيني إليود كيبشوك بطل ماراثون برلين وطوكيو، والميريكاني نوح لايلز بطل العالم فمسافة 200 م.
وغادي يكون الإعلان على الرياضي اللي غادي يربح جائزة أحسن عداء أو رياضي فألعاب القوى لعام 2022، نهار 5 فشهر دجنبر اللي جاي.