بانون بعدما نصفو الركراكي: نتمناو نشرفو بلادنا فكأس العالم

عبر الدولي المغربي بدر بانون نجم قطر القطري على السعادة ديالو حيث توجهت له الدعوة باش يكون حاضر مع المنتخب المغربي فكأس العالم قطر 2022، من بعد سنوات كانوا كيشوفوه بزاف المغاربة مظلوم حيث ما كيتناداش عليه ليكيب ناسيونال.
بدر بانون ومن بعدما استدعاه وليد الركراكي خرج وشارك الفرحة ديالو مع متابعينو فأنستغرام وقال: "سعيد بزاف حيث استدعاتني باش نمثل بلادي فهاذ العرس الكروي الكبير اللي كيتعتبر حلم لأي لعاب نتمناو نشرفو بلادنا الحبيب وكنشكر الجمهور على الدعم الدائم".
الكثير من المتتبعين للمنتخب الوطني المغربي كيشوف أن الناخب الوطني وليد الركراكي نصف بدر بانون حيث عيط عليه يشارك فكأس العالم فقطر، من بعدما تحرم من المنتخب فبطولات سابقة مع مدربين سابقين، وخا كان كيقدم عروض قوية سواء مع الرجاء أو الأهلي المصري.
https://www.instagram.com/p/CkyzLeWKe7a/?igshid=NDc0ODY0MjQ=