اللعابا ديال آسفي دخلو ديربي دكالة عبدة باش يضامنو مع مشجعين مشدودين

مازال أولمبيك آسفي كيتشبث فالتضامن مع المشجعين ديالو واللي تعتاقلو فماتش الفرقة ضد إتحاد التواركة فالرباط، ضمن الجولة 6 من البطولة الإحترافية لكرة القدم.
ودخلو اللعابا وليراماسور ديال أولمبيك آسفي فديربي دكالة عبدة، ضد الدفاع الحسني الجديدي فتيران المسيرة الخضراء فآسفي ضمن الجولة 8 من البطولة، وهما هازين لافتة تكتب فيها "كل التضامن مع جمهورنا العزيز"، فإشارة للمشجعين ديال الفرقة اللي المشدودين اللي غادي يتقدمو للمحكمة من بعد احداث وقعات ماتش المسفويين ضد التواركة قبل أيام.
وكانوا شي وحدين من جمهور أولمبيك آسفي تعتاقلو على خلفية ماتش أولمبيك آسفي واتحاد التواركة فالرباط، وتم من بعدها إخلاء سبيل 24 فرد منهم وتم متابعة 8 آخرين فحالة إعتقال فأفق مثولهم أمام المحكمة.