آسفي: جمهورنا تعداو عليه فماتش التواركة وما ساكتينش

علن اولمبيك آسفي على تعرض عدد من جمهور الفرقة لاعتداءات واعتقالات البارح الأربعاء فالرباط، على هامش الماتش ديالو ضد فريق اتحاد تواركة فالجولة 7 من البطولة الإحترافية لكرة القدم.
وكشف أولمبيك آسفي أن الجمهور ديالو تعرض للاعتداء بمناسبة الماتش اللي لعب مع التواركة فالرباط، وأن عدد من الأنصار ديالو تعتاقلو دون مبرر أو سبب حسب التعبير ديالو.
النادي المسفيوي بالرئيس ديالو بالنيابة على اعضاء المكتب المديري استنكر هاذ الاعتداءات و الاعتقالات وعبر عن تضامنو المطلق و اللامشروط مع اللي اعتبرهم ضحايا هاذالاعتداءات.
وأكد أولمبيك آسفي أنه غادي يسلك كافة المساطر الكفيلة بالدفاع عن جماهيرو المعروفة بحبها للفريق و تشجيعها الحضاري و نبذها للشغب و ترحيبها بكافة الجماهير المغربية بمدينة آسفي في إحترام تام للضيوف بكل روح مواطنة و مسؤولة.