يوسف النصيري ثاني أحسن لعاب فشومبيونزليك من بعد ميسي

تعزل الدولي المغربي يوسف النصيري مهاجم إشبيلية الصبليوني ثاني أحسن لعاب فشومبيونزليك البارح الأربعاء، من بعدما ساهم فالرباح ديال فرقتو ضد كوبنهاكن الدنماركي.
المسؤولين ديال دوري أبطال أوروبا اختارو المغربي يوسف النصيري كثاني أفضل لعاب فالجولة 5 من المسابقة، من بعد الارجنتيني ليونيل ميسي نجم باريس سان جيرمان الفرنسي.
وجا اختيار يوسف النصيري من بعدما ساهم فالرباح ديال إشبيلية حيث الفريق الصبليوني كان واحل مع كوبنهاكن الدنماركي، وانتظر دخول النصيري كبديل فالشوط الثاني باش يماركي له أول بيت، لكن المهاجم المغربي غادي يلعب غير دقايق معدودة وغادي يخرج فالدقيقة 71 حيث توعت فالركبة ديالو.