مديرية التحكيم: تدخل الودادي بنعيادة على الرجاوي مايي ما كيستحقش الطرد

أكدت المديرية المركزية للتحكيم أن قرار الحكم سمير الكزاز بمنح بطاقة صفرا لمدافع الوداد الرياضي الحسين بنعيادة فماتش الديربي ضد الرجاء الرياضي، صحيح، وأن التدخل ديالو ما كيستحقش الطرد.
المديرية المركزية للتحكيم قالت إن الحسين بنعيادة يستحق البطاقة الصفراء فالتدخل ديالو على اكسيل مايي مهاجم الرجاء، حيث الطرد خاصو يكون مستوفي الشروط وعرقلة مدافع الوداد لمهاجم الرجاء ما كتسوفيش شروط الطرد.
للإشارة فتدخل الحسين بنعيادة على اكسيل مايي فالديربي خلق جدل كبير، حيث بزاف الرجاويين احتجو وشافو أن الحكم سمير الكزاز اللي كان حكم ساحة ورضوان جيد اللي كان فالفار كان خاصهم يمحو الطرد لبنعيادة مدافع الوداد بدل البطاقة الصفراء اللي عطاوه.