شائعات زيادة 25 درهم في أجور الموظفين. أخنوش: هادشي مكاينش وها شنو غنديرو لتعزيز الأجور

من بعد الهدرة اللي دارت على أن الحكومة قالت للنقابات أنها مستعدة تزيد غير 25 درهم في أجور الموظفين، نفى رئيس الحكومة عزيز أخنوش اليوم في مجلس النواب هادشي وقال ماشي صحيح.
أخنوش وضح أن الحكومة وافقات على مطالب الشركاء الاجتماعيين، ودارت تدابير جبائية باش تخفف من عبء الضريبة على الدخل بالنسبة لأجراء الطبقة المتوسطة اللي كيشدو بين 4500 درهم و30,000 درهم شهريا.
وزاد أخنوش أن الحكومة وفي إطار دعمها للقدرة الشرائية للمواطنين، من خلال الزيادة في الأجور، غادي تخفض الضريبة على الدخل، وهدشي غيمكن من تعزيز دخل الأجراء التي كتراوح أجرتهم الصافية ما بين 4500 درهم و 9000 درهم بمدخول إضافي في السنة كيتراوح ما بين 900 و 2250 درهم.