جمهور ليفار صدم آيت منا

كتعرف المباراة اللي كتلعب في هذ الأثناء بين شباب المحمدية وضيفو الجيش الملكي فمؤجل الجولة 6 من البطولة الاحترافية لكرة القدم مقاطعة ديال جمهور ليفار، الأمر اللي غادي يؤثر على المداخيل المالية للماتش.
وكان هشام آيت منا رئيس شركة شباب المحمدية ناوي يستغل الماتش ضد الجيش الملكي حيث القاعدة ديال جمهور ليفار كبيرة باش يدخل مبلغ مزيان من تذاكر المباراة، واللي حددها فثمن 50 درهم للمدرجات المكشوفة، و100 درهم للمدرجات المغطية و250 درهم للمنصة، لكن الحضور ضعيف ديال الجمهور فالماتش.
مجموعة الكورفاتشي المساندة لفريق الجيش الملكي علنت على مقاطعتها للماتش ضد شباب المحمدية، تضامنا مع الفراويين اللي متهمين فأحداث مباراة كأس العرش ضد الماص الموسم الماضي، وطبعا هاذشي جعل جمهور الفريق العسكري كل يقاطع الديبلاصمون إلى المحمدية ويتفرج ففرقتو فالتلفزة، ويصدم آيت منا اللي كان معول يدخل الصرف من المواجهة، كيفما دار فالماتش الماضي ضد الرجاء.