دراسة صادمة.. الترطيبة ديال الشعر كتسبب الإصابة بكونصير ديال "الولدة"

دراسة دارتها معاهد الصحة الوطنية في ميريكان قالت إن المنتجات لي كيتستعملو في الكيراتين والترطيبة ديال الشعر بشكل عام كترفع من خطر الإصابة بالسرطان ديال الوالدة عند لعيالات.
الدراسة لي تنشرات نهار الاثنين قالت إن معدل الإصابة بسرطان بطانة الرحم فات 4% عند لعيالات لي استخدمو هاد المنتجات ديال ترطيب الشعر 4 المرات وأكثر في العام.
أما لعيالات لي ما عمرهم دارو هاد المنتجات وجاهم السرطان ديال الرحم فنسبتهم 1.64 في المائة فقط.
هاد الدراسة الصادمة كانت على 33 ألف مرا من جميع الولايات الميريكانية عندهم ما بين 35 و74 عام، واستغرق المدة ديال الإنجاز ديال الدراسة 10 سنين.
وكانو لعيالات السمرات في ميريكان هوما الأكثر إصابة بسرطان ديال الرحم، لأن الشعر ديالهم حرش، والأغلبية فيهم كيديرو الترطيبة بكاع أنواعها.