دراسة: ماتبقاوش تسولو “دكتور گوگل” ملي تكونو مراض وها علاش

بزاف ديال الناس ملي كيمرضو اول حاجة كيديرو هي يمشيو يقلبو في گوگل، لكن هاد القضية ممزياناش وحذرات منها دراسة.
البحث كشف أن 2 من كل 5 ديال الناس في ميريكان كيظنو أنهم عندهم مرض خطير بعدما كيمشيو يقلبو في گوگل.
الدراسة لي دارت بالتعاون مع مؤسسة “Let's Get Checked” شارك فيها 2000 شخص، وكانت النتائج مفاجئة بعدما كشفات أن 43% من المشاركين بحثوا عن أعراض المرض لي فيهم على الإنترنت، وفي الأخير جاهم الوسواس أنهم عندهم مرض خطير ومميت.
وكشف الاستبيان، أن نتائج الباحثين في “گوگل” كانت غير دقيقة بنسبة 60%، وأن 74% من المشاركين قالو ان القلق تزاد عندهم بالضوبل بشأن صحتهم، بعدما بداو البحث عبر “گوگل”.
ولقا استبيان الرأي أن البحث على الإنترنت ماشي هو الخيار الأول للجميع من أجل تشخيص حالتهم الصحية، إذ قال 51% منهم انهم فور شعورهم بالمرض كيمشيو عند أخصائي الرعاية الصحية لفحصهم.