حكيمي: رحيل مبابي على باريس سان جيرمان هدرة خاوية والناس كيزيدو فيه

نفى الدولي المغربي أشرف حكيمي صاحب الفرنساوي كيليان مبابي، أن يكون الأخير باغي يمشي فحالو من باريس سان جيرمان فالميركاتو اللي جاي، واكد أنه مرتاح مع الفرقة.
أشرف حكيمي واللي هو الصديق المقرب لمبابي ومن بعد ماتش باريس سان جيرمان وبنفيكا فدوري أبطال أوروبا قال لوسائل إعلام فرنسية أن مبابي كان مركز فالماتش وراه ماركا، وأصلا كاعما تكلمنا فهادشي اللي كيروج على أنه غادي يمشي فالميركاتو الجاي والناس كيزيدو فيه.
وكانت أخبار راجت البارح وتكلمت على أن الدولي الفرنسي مبابي باغي يمشي من باريس سان جيرمان فالميركاتو الشتوي الجاي، حيث علاقتو بإدارة النادي سيئة وأن المسؤولين ديال باريس سان جيرمان سمحو له يمشي لأي فريق إلا الانتقال لريال مدريد الإسباني.