توقع. سيدنا راجع للمغرب اليوم او غدا. مدير "لارام" طار لباريس والنواب طلبو منهم يديرو "البي سي ار"

حركة غير عادية اليوم فمطار محمد الخامس فكازا. مدير لارام عبد الحميد عدو طار لباريس. هاد الشي كيعني ان رئيس الدولة الملك محمد السادس راجع اليوم او غدا او بعدو.
مدير "لارام" كيكون فالرحلات اللي كيدير رئيس الدولة عبر الطائرة.
الملك كان دوز ففرانسا. "جون افريك" قالت للمغاربة باللي مشى يكون حدا والدتو لالة لطيفة اللي مريضة.
مصادر "كود" اكدات باللي غادي يكون فالمغرب قبل عيد الميلود ويحضر لاحتفالاتو كيف كيدير كل سنة.
بعدها الجمعة 14 اكتوبر غادي يفتاتح الدورة الخريفية للبرلمان بغرفتيه. وحسب نواب ل"كود" گالو ليهم ديرو "البي سي ار" مرة كل 3 ايام حتى توصل الجمعة يوم الافتتاح.
شي نواب كانو مسافرين وقالو ليهم رجعو ما كاين سفر.