لاباج ديال الماص ففيسبوك تبيراطات وحطو فيها التماسيح – فيديو

تعرضت الصفحة الرسمية ديال نادي المغرب الفاسي على موقع التواصل الاجتماعي فيسبوك، للاختراق والقرصنة من طرف مجهولين صباح اليوم السبت.
https://fb.watch/f9HpECS6KU/
تفاجأ العديد من عشاق المغرب الفاسي بالازالة ديال شعار الماص من الصفحة الرسمية ديال الفريق الفاسي، وبالمقابل تم نشر فيديوات مثيرة غريبة.
عشاق الماص تصدمو وهما كايدخلو للصفحة ديال المغرب الفاسي باش يعرفو الجديد ديال الفريق ديالهم، بإزالة اللوكو ديال الماص ولكن الصادم فهاذشي هو نشر مقاطع فيديو ديال صيد التماسيح وبعض الأسماك، وهاذشي اللي جعل كل من شاف لاباج ديال الفريق يرجح أنها تبيراطات.
أعضاء الخلية ديال المغرب الفاسي بدورهم تفاجؤ بإزالة الحسابات ديالهم من التحكم فالصفحة، الأمر اللي كايزيد يرجح من صحة فرضية الاختراق ديال الصفحة، ويطرح الأسئلة على الهدف من هاذ التصرف.
هاذ الحادث كايجي بعد أيام قليلة فقط، على المطالبة ديال فصيل "الفتال تايكرز"، المساند للمغرب الفاسي رئيس النادي إسماعيل الجامعي بتمكين المستخدمين فالنادي من ليصالير ديالهم، واتهمو بالتملص من تسديدها لهم.