صفقة المستشهر الجديد للخضرا مولاها محفوظ وركب عليها البدراوي والشركة متهمة بالتهرب الضريبي

تبين أن الصفقة اللي وقعها الرجاء مع واحد من المستشهرين العالميين فعالم لقمر ماشي خدمة للرئيس الجديد كيف بغى يركب عليها. هادي خدمة المكتب المديري السابق.
وكشفت وثيقة مسربة أن المفاوضات بين الرجاء والشركة المختصة فالقمر 1XBET، بدات من اشهر باش كان أنيس محفوظ هو اللي دار كلشي. الصفقة قيمتها 3 مليون دولار فثلاث سنوات مقبلة.
وبهاذا كايتبين أنه كاين عدد من المشاريع الرجاء الرياضي اللي ماشي ديال من تأسيس المكتب المديري الحالي وإنما بداهم المكتب المديري السابق ديال أنيس محفوظ واللي استقال بشكل مفاجئ.
يعني ديك التدوينة اللي دارها البدراوي طلعات غير ادعاءات. ركب على خدمة اللي سبقو. وكان كتب بللي فالويكاند غاديين يبلبلوها بالانتدابات وبالبطائق وبالمستشهر العالمي.
هاد الشركة 1XBET كيف كشفات "شوف تيفي" متهمة بالتهرب الضريبي.
اللي ايجابي فهاد الشي كولو ان الرجاء ايام محفوظ جابت هاد العقد المهم. غادي يفيد ماشي غير الخضرا، شركات منافسة غادية تهتم بالمغرب بالاندية المغربية، وغادي يحرك سوق الاشهارات.