سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
مازال ما فهمتش كيفاش قرار بحال اعتراف امريكا بمغربية الصحرا وعودة التطبيع مع اسرائيل مقلقة شي وحدين. راه كنا كنخسرو 3 مليون دولار غير فاللوبيين وشي مرات غير باش يبقى الوضع كيف كاين
ما قدرش عقلي يستوعب كيفاش شي مغاربة ما عاجباهمش هاد الصفقة ديال الاعتراف بمغربية الصحراء مقابل عودة مكتب الاتصال وفتح خطوط جوية مباشرة بين المغرب واسرائيل. ما عرفتش علاش لمغاربة ما عاجبهمش بلادو تربح. اجيو نشوفو بالارقام. بلا ما نهدرو على شحال كيتقام علينا التسليح: ملايير الدولارات بلا ما نهدرو على اهدار الطاقة والتركيز على قضية الصحراء اللي عيانا بكلفتو بزاف بزاف. شوفو شحال كنا كنخسرو سنويا غير باش نقنعو الادارة الامريكية كل عام باش ما تصعدش معانا. فحسب تقرير رسمي خرج ف2020 كانت جماعات الضغط او اللوبيين طلع علينا وا لمغاربةكل عام 2.831،458 دولار فالعام 2019. المغرب هو رابع دولة فعربيان اللي كتخسر فلوس صحيحة بعد الامارات وقطر والسعودية وهو اللول فافريقيا وفايت فرانسا وبينو بين الاتحاد الاوربي قل من 120 الف اورو. المغرب بسباب الصحرا كيخسر وفق هاد الوثائق الرسمية كثر من فرانسا وايطاليا وروسيا والصين والهند. هاد لفلوس كيمشيو لهاد التينك نانكات CSIS وMiddle East Institue و Center for the Nationsal Interest و German Marshall Fund وAtlantic Center حنا كنعرفو غير ادوار گابرييل اللي كان سفير لميريكان فالمغرب واللي دار مكتب بحال هاد العجب ولى كيربح ملايين صحيحة على ظهر الصحرا دابا هاد الشي كولو غاديين نربحوه. غاديين نستثمروه فامور اخرى. طبعا غادي يبقى خدمة اللوبيين ولكن الميزانية غادية تنقص بزاف بزاف. تصورو هادي غير نقطة من بحر ديال لفلوس غادية تقل. هادي بدية تفكرو فالبلاد. نفكرو فمستقبل البلاد. نفكرو فالانسان المغربي. المغربي اولا واخيرا. ماشي المغربي ووو. اللا نفكرو غير فالمغربي
