عصابة فالهند دارت بوسط وهمي ديال البوليس وابتزات الناس ففلوسهم

عصابةٌ هندية دارت بوسط ديال البوليس وهمي وسط أوطيل لمدة 8 شهور، لبسو فيها حوايج البوليس وابتزوا المئات ديال الناس وخداو ليهم فلوسهم.
جورنال "الكَارديان" قالت أن "الهنديين عموما كيخافو من البوليس، وهادشي كيخلي بحال هاد الجرائم تكثر، ولكن هاد القضية ديال بوسط ديال البوليس وهمي راه أول مرة زعمات تديرها شي عصابة".
العصابة دارت المقر ديالها الوهمي على بعد ف500 متر على دار الشاف ديال البوليس فالدائرة، ولبسو حوايج البوليس ودارو لكَرادات وهزو أسلحة حقيقية.
العصابة خدات فلوس صحيحة من السكان، منهم اللي كان محتاج اللي يعاونو وباغي الشكاوى ويرفع قضايا فالمحكمة، ومنهم اللي كان باغي ياخد إسكان اجتماعي ولا وظيفة فالبوليس، وبسباب هادشي طاحو فالشبكة ديال العصابة اللي هرفات عليهم فالفلوس مقابل خدمات وهمية.