البوليس فبنكَلاديش قرقبو على يوتيبور كيغني بتهمة "الصوت الخايب"! – فيديو

واحد من المشاهير ديال السوشيل ميديا فبنكَلاديش، كيفدم راسو كممثل ومغني، قرقبو عليه البوليس حيت كيعاود يغني أغاني كلاسيكية وقديمة ديالهم ولكن كيرون كلشي حيت "صوتو خايب" بناء على شكايات من مواطنين.
وخا هكاك فالمعني بالأمر، "Hero Alom"، فيديوهاتو على "يوتوب" كيجيبو ملايين المشاهدات.
بهاد الستيل المخربق ديالو قدر يجمع حوالي مليون متابع ف"فايسبوك" ومليون ونص ف"يوتوب"، وتعرف فالمنطقة العربية بفيديو خاص بأغنية قلد فيها المغنيين فالخليج، واللي شافوه أيضا الملاين من المتابعين.
"المغني الفاشل" كيف سماوه بعض رواد "يوتوب"، ولأنه مشهور ناضو بعض الناس دعاوه لأنه كيف قالو "كيتكرفس على التراث الفني والأغاني ديال كبار الفنانين عندهم، من بينهم واحد عندو جائزة نوبل للسلام".
بسباب شكايات عدد من المتابعين، البوليس فرضو على "Hero Alom" أنه يسيني اعتذار وتعهد من بعد باش عمرو يغني الأغاني الكلاسيكية البنكَلاديشية، ونصحوه باش ما يبقاش يغني بمرة لأن "صوتو مافي مايتسمع وحتى واحد ما كيتمتع بداكشي اللي كيقدم".