هاشتاگ "أخنوش_ارحل"..أول رد من الحكومة: كانتصنتو لجميع التعبيرات وكنبدلو جهد باش تهبط الأسعار..وبلادنا فيها ثابت الخيار الديمقراطي لي جاب هاد الحكومة

فأول تعليق رسمي من الحكومة، بخصوص الهاشتاغ لي تنتشر فالفايسبوك على "أخنوش_ارحل"، قال الناطق الرسمي باسم الحكومة مصطفى بايتاس، :" اولا الحكومة تنصت لجميع التعبيرات كيفما كان نوعها وتبذل قصارى جهدها باش تفاعل وتدير الاجراءات باش تهبط فالاسعار مجموعة من المواد".
وأوضح بايتاس، خلال الندوة الصحافية التي اعقبت لقاء الحكومي اليوم الخميس :"ولكن بلادنا عندها ثابت الخيار الديمقراطي، بلادنا دارت انتخابات نزيهة بشهادة جميع المنظمات الدولية، لذلك تم تشكيل حكومة والتصويت على برنامج حكومي بناء على صناديق الاقتراع، وحظيت الحكومة بالتنصيب البرلماني".
وتابع :"بلا ما نذكرو بالاجراءات لي درنا للحفاظ على القدرة الشرائية، والفلوس لي حطينا فصندوق المقاصة، وزدنا باش كملات فلوس المقاصة لي كيعني بلي المواطن غاتزاد عليه 100 درهم فالبوطا، تدخلنا ورفعنا من القيمة ديال المقاصة بزيادة 16 مليار درهم اضافية".