كانو قبل غادي يطلقو على ود مشة.. نجم الكورة توتي تفارق مع مراتو

بعد علاقة ديال 20 عام، تفارق أسطورة الكرة فالطاليان، فرانشيسكو توتي، مع مراتو وأم وليداتو، إيلاري بلازي، وعلم جمهورو بهاد الخبر.
توتي ارتابط بطليقتو قبل 20 سنة، وتزوجو رسميا هادي17 لعام، وكانت إيلاري مقدمة تلفزيونية معروفة فالطاليان، وعندهم 3 ديال الوليدات.
وف2020، كان أسطورة نادي روما قريب يطلق مراتو بسباب أنها بغات تجيب مشة للدار، و فالآخر نعل الشيطان وقبل بقرارها، لكن دبا تطلقو لسبب آخر من بعد عامين.
توتي مابغاش يهضر على أسباب وتفاصيل الطلاق، وقال بللي اللي كيهمو دابا بزاف هوما وليداتو اللي غادي يحاول يريبهم بالتنسيق مع طليقتو اللي مزال كيحتارمها، على حساب هضرتو.