وحشومة كلشي كيتسنى يبان سيدنا بعد مرضة كورونا ويخرج عند مول السوابق بحري. فيديو جديد لمحمد السادس بباريس

حشومة لمغاربة كلهم مخلوعين بعد بيان الديوان الملكي على اصابة محمد السادس بكورونا وكلشي كيتسنى ظهورو وكثار مخلوعين وخايفين على صحتو وباش نعرفوه بيخير يكون فيديو نشرو واحد عندو سوابق هو سفيان بحري.
كان سد القناة اللي كتهدر باسم رئيس الدولة ودابا دوز فيديو لرئيس الدولة. اعباد الله راه رئيس الدولة ما خاصوش يكون يبان مع اصحاب السوابق لا هاد بحري اللي كان تحكم عليه بعام دالحبس وكان هان موظفين عموميين وهيئة منظمة٬ يخرج اليوم بفيديو لسيدنا.
بحال هاد مول السوابق بحال هادوك الزعيترات حتى هما عندهم سوابق وهادي راها دولة ماشي تفلية. حشومة يبان رئيسها ففيديو مول السوابق
سيدنا بان مزيان فالفيديو. مصور فشي مول فباريس. قال بعد ما خرج "اوروڤوار" وكانو معاه ناس غالبا حراسو الشخصيين. فيديو خرج بعد ما كانت نشرات "الاسبوع" باللي تعشى فمطعم فرنسي هادي جوج سيمانات. دابا كاين الفيديو
لمغاربة بغاو يشوفو ملكهم ولكن ماشي ففيديو ينشرو مول السوابق.