قاضية التحقيق فاستئنافية سطات غادا تعاود لونكيط مع القايد ديال "بن حمد" اللي تكرفس على مواطن

عدد كبير من ساكنة مدينة "بن حمد"، وخاصة الناس اللي كانو ضحية ديال قايد المقاطعة الثانية فالمدينة كيتسناو القرار الحاسم من أشهر قاضية تحقيق فسطات المعروفة بالنزاهة ديالها وللي كشفات مصادر "گود" أنها زيرات القايد فجلسة التحقيق اللولة وغادا تكمل معاه اليوم الخميس.
هاد القايد متهم بالضرب والجرح فحق مواطن، اللي ماشي من حقو أصلا يحط يدو على شي حد حيت مابقاش شي حد فالمغرب اليوم كيتضرب أو يرضى بالضرب فبلاد ديال الحقوق والحريات.
القايد غتبدا جلسة التحقيق ديالو اليوم صباح واللي كتعرف اهتمام كبير من الرأي العام المحلي ديال عاصمة مزاب.
وفهاد السياق "گود" غادا تجيب ليكم الجديد فهاد الملف بعدما تسالي التحقيقات.