علمت "كود" من مصدر مطلع أن قضية 2400 موظف شبح لي كشفاتها عمدة الرباط اسماء اغلالو، تسببات فخلافات داخلية وسط الأحرار بالرباط، خصوصا بعدما وجه رئيس مقاطعة حسان مراسلة شديدة اللهجة الى العمدة، طالب منها تقدم توضيحات على هاد 2400 موظف شبح، هادشي اعتبرته قيادة الاحرار بالعاصمة تمرد على رئيسة المجلس. وحسب معلومات "كود" فإن الاحرار قررو يطردو رئيس مقاطعة حسان من "كروب" الواتساب لي كيتواصلو فيه منتخبي الاحرار فالعاصمة. الاحرار غادي فاتجاه يطرد رئيس مقاطعة حسان من الحزب، خصوصا وانه كيخالف توجهات الحزب وكيدير العصا فالرويضا للعمدة. ادريس الرازي جا من البام للأحرار، رفقة منتخبين كانو كيديرو صداع فالدورات ديال مجلس المدينة السابق، وعطلو مصالح كثيرة للجماعة بسبب الفوضى لي كايدير، فاش جاو للأحرار تكالماو وموراها بأشهر قليلة بداو يديرو مناورات، هادشي كعا العمدة لي رفضت سياسة الضغوط. المادة 20 من القانون التنظيمي المتعلق بالأحزاب السياسية تنص على أنه "يتم تجريد كل عضو من عضويته بمجلس جماعة ترابية أو غرفة مهنية بطلب يقدم لدى كتابة الضبط بالمحكمة الإدارية المختصة من لدن الحزب السياسي الذي ترشح باسمه للانتخابات". الاحرار غادي فاتجاه هاد المادة وبالتالي، فاتجاه تغيير رئيس المقاطعة بشخص اخر.
