أنسبكتور فالعرايش اضطر يتيري بالقرطاس على مشرمل نوض الروينة وهدد البوليس والناس بجنوية

فالساعات اللولة من صباح اليوم الجمعة استخدم أنسبكتور شرطة ممتاز خدام فالمنطقة الإقليمية للأمن فالعرائش الفردي ديالو بشكل اضطراري، فتدخل بوليسي لتوقيف شخص غارق سوابق قضائية واللي كان فحالة تخدير متقدمة وعرّض سلامة الناس وعناصر البوليس لاعتداء جدي وخطير بجنوية كان هازها.
دورية ديال البوليس تدخلات باش تشد هاد المسخوط اللي كان منوض قربالة، ودخل فصداع مع شي حد وجبد جناوة كانو عندو، وتعمد مواجهة البوليس بمقاومة عنيفة باستعمال جنوية وتورنوفيس، وهادشي خلى الأنسبكتور يجيد الفردي ديالو ويتيري فالسما بعض الرصاصات التحذيرية، قبل ما يضرب المشرمل فرجليه.
هاد الاستخدام الاضطراري للسلاح الوظيفي مكن من توقيف الشخص المذكور، وتم الاحتفاظ به رهن الحراسة الطبية بالمستشفى المحلي لتلقي العلاجات الضرورية، فانتظار إخضاعه للبحث القضائي تحت إشراف النيابة العامة المختصة، وذلك للكشف عن جميع ظروف وملابسات وخلفيات هاد القضية.