المحكمة الدستورية طيحات البرلماني الاستقلالي ديال مديونة هاشم أمين الشفيق

حزب الاستقلال خسر مقعد آخر في البرلمان من بعد ما طيحات المحكمة الدستورية لبارح البرلماني أمين هاشم شفيق.
وحسب قرار المحكمة لي طالعات عليه "گود" فراه المحكمة قضت بالغاء انتخاب هاشم أمين الشفيق كعضو في الغرفة اللولة ديال البرلمان يعني مجلس النواب، ولي كان نجح في الانتخابات لي فاتت في الدائرة ديال مديونة.
وأمرات المحكمة بنتظيم إنتخابات بتنظيم انتخابات جزئية في هاد الدائرة بخصوص المقعد ديالو وفقا للمادة 91 من القانون التنظيمي ديال مجلس النواب.
هاد البرلماني هو في نفس الوقت راه رئيس جماعة المجاطية بأولاد الطالب.