الرابعة ثابتة فمؤتمر البي بي اس.. الطريق مفرشة لنبيل بنعبد الله للأمانة العامة

الرابعة ثابتة فمؤتمر البي بي اس ال11، بحيث أصبح نبيل بنعبد الله المرشح الأوفر حظا باش ياخذ الأمانة العامة لولاية ثالثة، بعدما تبين بلي جميع الظروف التنظيمية والسياسية الداخلية فصالحو.
وباش يوجد راسو مزيان، قيادة حزب التقدم والاشتراكية، قررت تأجيل المؤتمر الوطني الحادي عشر، إلى شهر نونبر المقبل، بعدما كان مقرر يتم فشهر ماي.
مصادر لي قريبة من نبيل بنعبد الله كتقول ل"كود" بلي القيادات الجهوية والوطنية والاقليمية هي لي بغات نبيل يبقا فرئاسة الحزب باش يكون حزب متماسك وقوي، لأنه مكاينش بروفايل منافس.
مصادر معارضة كتقول بلي نبيل حول حزب إلى الزاوية، اي عودة ظاهرة الشيخ والمريد وصافي للمشهد الحزبي.
البي بي اس كيوجد للمؤتمر، ماليا وتنظيميا، وغادي يعقد الدورة 9 ديال اللجنة المركزية يوم 18 يونيو المقبل.