سيلينا كَوميز: أنا مزال سيليباطير وفايت لي دخلت لمواقع كنقلب على راجل باش ماكان – فيديو

كشفات المغنية الميريكانية سيلينا كَوميز فبرنامج "Saturday Night Live" على حالتها العاطفية، وقالت أنها باغية تتزوج وكتقلب على راجل.
سيلينا كَوميز قالت أنها كانت كتدخل مواقع الخاصة بالتعارف باش تحاول تلقى راجل اللي ممكن تتفاهم معاه، ولكن فاللخر وصلات لقناعة أنها خاصها تلقاه فالحياة الواقعية باش تعرفو وتتعرف عليه أكثر، بلا ما تطيح ضحية للمفاجآت ديال العلاقات اللي كتكون عن طريق الأنترنت.
سيلينا (29 عام) أكدات أنها سيليباطير وكَاع الخبار اللي كانت كتروج عليها فالصحافة بللي مرتابطة هي غير إشاعات وكلها كذوب.
الفنانة الميريكانية دوزات وقتها فبرنامج "SNL" كلو ضحك وتقشاب بكل عفوية على طريقة بحثها على الشخص اللي ممكن تعيش معاه قصة حب وتفاعل الجمهور معاها كان مزيان.