من بعد ما راجت أخبار على تشرد مغاربة فمصر بعدما تحبسو الرحلات بسباب كورونا.. سفارة المغرب فالقاهرة: هادشي كذوب

قالت سفارة المغرب فالعاصمة المصرية القاهرة بللي الأخبار اللي كتروج بخصوص تشرد مغاربة فمصر بعد إلغاء الرحلات، ووجودهم فوضعية مادية صعبة، غير كذوب.
السفارة أكدات، فبيان ليها، بللي هذي إشاعات تم الترويج ليها من مصادر مجهولة، وأكدات بللي البعثة غاتبقى على تواصل دائم مع المواطنين ديالها من خلال بلاغاتها الرسمية، باش تخبرهم بكل مستجد كيتعلق بعملية ترحيلهم لأرض الوطن، حسب مجموعة من الضوابط غادي تدار من بعد.
ومن أبرز هذ الضوابط "توفر جميع الظروف الصحية واللوجستيكية الضروريى اللي كتامنها السلطات المغربية حفاظا على أمن وسلامة المغاربة"، حسب البيان نفسو.