جدل الترحم على الصحفية شيرين حيت مسيحية.. بنكيران: عيب ندخلو فهادشي والترحم يجوز على الجميع

في أول تعليق له، على جدل "الترحم" على الصحفية شيرين أبو عاقلة، قال عبد الاله بنكيران، أمين عام حزب العدالة والتنمية، "عيب نطرح سؤال الترحم"، مضيفا :"عيب ان المسلمين ولا المسيحيين ولا اليهود ولا غيرهم، يدخلو فهاد الجدل على واحد الأيقونة بحال هادي لي عطات دمها".
وأضاف بنكيران، في جوابه على سؤال صحافي صباح اليوم بالدار البيضاء، "الترحم يجوز على الجميع".
وقال بنكيران :"اعتبرها من أبطال الأمة، وفصباح فاش تغتالت جاني حزن شديد"، مضيفا :"هنيئا لها، شجاعتها تتجاوز الرجال، مناضلة صادقة كتعطي للمواطنة معنى حقيقي".
يشار بلي مؤخرا ناضو شي وحدين باقي عقلهم مسدود، ومتحجرين ومتطرفين، كيقولو بلي مخاصش الترحم على شرين حيث مسيحية وماشي مسلمة، وهادو بزاف منتشرين فالفايسبوك والتويتر، وفي المقابل كاين عدد كبير لي استنكر هاد التخلف فعقلية عدد من المسلمين لي عندهم افكار متطرفة.