رئيس الحكومة الصبليونية ما بغاش يرد على موقفو من الصحرا. اجل هاد الشي لثلاث الجاي

رفض رئيس الحكومة الاسبانية بيدرو سانشيث قبل دقائق الرد على اسئلة الحزب الشعبي واليسار الجمهوري الكاتالاني. بجوجهم سولوه هاد الصباح اثناء مثولو فجلسة مراقبة العمل الحكومي بمجلس النواب.
حاولات المعارضة وحتى الاحزاب اللي كدعمو فالحكومة اليوم الاربعاء 23 مارس 2022 تجرو يهدر على القرار الاخير اللي خداه باش اعتارف بشكل رسمي باهمية قضية الصحرا وبجدية مشروع الحكم الذاتي اللي قدمو المغرب ف2007 وواقعيتو ومصداقيتو.
رئيس الحكومة غادي يسافر اليوم لسبتة ومليلية اللي دافعو على الموقف الجديد ديالو٬ ومن بعد غادي يجي للبرلمان السيمانا الجاية للبرلمان باش يجاوب على اسئلة الاغلبية والمعارضة
وكان وزير الخارجية الاسبانية قال البارح فمجلس الشيوخ باللي موقف اسبانيا لا يتعارض مع قرارات الامم المتحدة بخصوص الصحرا وسبق لحكومة ثاباتيرو الاشتراكية وراخوي اليمينية دارت بحالو ان دول مثل امريكا وفرانسا والمانيا مشات فنفس الطريق وان حكومة بلادو بغات تلقى حل لقضية عمرها 46 عام