3 ديال المغاربة من عائلة وحدة ماتو فكسيدة خايبة فاسبانيا وجوج فالعناية المركزة

albayancom0@gmail.com
ذكرات "ال إسبانيول"، أن3 ديال المغاربة من أسرة وحدة ماتو ف كسيدة خايبة ف اسبانيا وجوج ف العناية المركز ف الويكاند الفايت بعد ما دخلات طوموبيلة فيها شبان اسبانيين من أصل لاتيني في طوموبيلتهم من اللور بقوة. الضحايا هم كوبل مغربي وولدهم اللي عندو عام وجوج ولاد اخرين عندهم 8 و 11 عام بقاو حيين لكن دخلوهم للعناية المركزة.
وأضافت الجريدة الاسبانية واسعة الانتشار، أن هاذ الكسيدة طرات ف أطوروت بين مورثيا وكارتاخينا وحتاجو رجال الانقاذ تقريبا ساعتين باش ينقذو المصابين اللي بقاو واحلين داخل الطوموبيل اللي تگدگات كاملة، فيما تم اخضاع الشيفور ديال الطوموبيلة الأخرى لاختبارات طبية باش يعرفو واش كان تحت تأثير الكحول، لأنهم صرحو للبوليس انهم كانو في حفلة.
https://www.elespanol.com/reportajes/20220307/noche-tragica-murcia-jovenes-embisten-coche-matrimonio/655434463_0.html