موثق مشهور فتطوان اعتاقلوه مع مراتو بسبب اختلاس فلوس صحيحة

أوقفت عناصر الشرطة القضائية بمدينة تطوان اليوم السبت نوطير معروف هو ومراتو بسبب اختلاس فلوس صحيحة والنصب وخيانة الأمانة. هاد العملية جات بعد تنسيق أمني بين بوليس تطوان وطنجة.
ووفق ما كشفت عنه مصادر "كود"، فإن هاد النوطير كان يشكل موضوع مذكرات بحث على الصعيد الوطني صادرة عن مصالح الفرقة الوطنية للشرطة القضائية ومصالح الأمن بتطوان، مضيفة أنهم متورطين فالشفارة ديال فلوس تجاوزت قيمتها اكثر من 470 مليون سنتيم.
ووضع الموثق وزوجته تحت الحراسة النظرية بتعليمات من النيابة العامة المختصة، مع الإشارة أن زوجة هاد النوطير متورطة حتى فقضايا ديال إصدار شيكات بدون مؤونة والنصب.