أوكراني كان باغي يحرگ للمغرب من سبتة وهاعلاش

albayancom0@gmail.com
ذكرت تقارير اخبارية محلية بسبتة، أن "لاگوارديا سيبيل" شدو، ليلة الثلاثاء / الاربعاء، مواطن أوكراني كيبلغ من العمر 41 عام، كان باغي يتسلق الگرياج الحدودي ويدخل للتراب المغربي.
وأضافت التقارير ذاتها، أن هاذ الاوكراني اللي تأكدو من الهوية ديالو من خلال لوراق اللي هاز معاه، كان باغي يدخل للمغرب ويمشي للجزائر عند عائلتو، على حسب اللي قال لعناصر الحرس المدني والبوليس.
الحراگ الأوكراني رفض يدير تحليلة كورونا حسب البروتوكول المعتاد، وتم ضعه تحت تصرف الشرطة الوطنية الإسبانية، ويمكن هاذ ماشي المرة الأولى اللي كيبغي يخلق فيها الحدث بهاذ الشكل، حيث سبق ليه حاول يحرك ل طريفة ب شمبريرة وماشي بعيد يكون عندو شي اضطراب نفسي.
Un ucraniano intenta irse a Marruecos saltando la valla al revés