اسبانيا. الملك فيه "كورونا". فيليبي السادس علق گاع انشطتو الرسمية

اعلن بيان للديوان الملكي الاسباني ان الملك فيليبي السادس٬ 54 عام٬ طلع بوزيتيف ولكن ب"اعراض خفيفة".
البيان للي صدر اليوم لاربعا واوضح البيان ان الملك علق گاع انشطتو الرسمية لمدة 7 ايام. الملك دار التيست اليوم لاربعا والبارح بانت فيه اعراض خفيفة وفق بيان الديوان الملكي.
نفس المصدر قال باللي صحتو مزيانة وغادي يدير انشطتو الدستورية من اقاماتو. الملك غادي يبقى بوحدو لان مراتو الملكة ليتيسيا وبنتو صوفيا ما عندهم والو وباللي غادي يبقاو يديرو خدمتهم ويتبعو البروتوكول اللي خاصو يدار فهاد الحالة.
رئيس الوزراء الصبليوني بيدرو سانشيز تمنى ليه "شفاء سريع".
الملك كان دار اول ڤاكسان فنهاية ماي 2021