مضاربة كبيرة وقعات بين لمغاربة والمصريين فالڤيستيار. ليكيب: حارس مصري كيصرفق وحكيمي نفاجر ولقجع تضرب وها باش سالى هاد المشهد السوريالي

كشفت جريدة "ليكيب" الفرنسية تفاصيل فضيحة وقعات فالڤيستيار بعد نهاية ماتش ربع نهاية كأس افريقيا المغرب ضد مصر البارح بملعب احمدو احيدجو بياوندي. صحافي الجريدة الرياضية كان حاضر ووصف مشهد سوريالي. قال باللي اشرف حكيمي انفاجر وكان مقلق بزاف وحبسوه ومنعوه من مضاربة مع المصريين فالڤيستيار.
واوضح الصحافي الفرنسي انو فهاد البلاصة الضيقة ناض الصداع بعد ما كانو المصريين كيحتافلو بالرباح وشدو فالمغاربة بعبارات ساخرة٬ وباللي شي عبارات كانت موجهة لرئيس الجامعة الملكية لكرة القدم فوزي لقجع وباللي حارس مصر الرابع محمود احمد اللي ما عرفوش صرفق گاع رئيس الجامعة.
هاد الشي بقى مطول حتى جاو صحاب الامن ومنعو المواجهة فمشهد سوريالي. وقد تدخل تضيف اليومية الرياضية الفرنسية وائل جمعة المشرف العام عن الفراعنة وجاب معاه الحارس للڤيستيار المغربي باش يعتاذر
هاد الشي غير لمغاربة والمصريين صحاب. كون كانو مضاربين كون ناضت حرب بصاح
https://www.facebook.com/Goudmediaa/videos/709672373356284/