مدرب الاسود: هاد العرس الافريقي ممكن يخسر بسباب الكوفيد

قال مدرب الاسود وحيد قبل قليل فندوة صحافية بملعب احمدو احيدجو بياوندي اللي غادي يلعب فيه المغرب غدا اول ماتش فالمجموعة الثالثة ضد غانا٬ ان هاد العرس الافريقي يقدر يخسر بسباب الوضعية الوبائية.
وذكر وحيد بتعلق الكاميرون بالكورة ولكن هاد الشي كولو يقدر يخسر. يخسر حقاش لعابة كثار فمنتخبات مختلفة مشاركة فالكان هاد العام تقاسو بكورونا. المنتخب المغربي ما خرجش من هاد الشي وتقاسو لعابة فيه. على الاقل هناك حديث على جوج لعابة و8 من الوفد اللي جا مع المنتخب.
وفسؤال على كيفاش جاتو الكاميرون رد المدرب باللي كلشي الوفد المغربي ما خرجش من لوطيل.