العلاقات بينا وبينهم باينة فين غادية.. بيدرو سانشيث غادي يوشح وزيرة الفتنة بأعلى وسام مدني فاسبانيا

albayancom0@gmail.com
مستقبل العلاقات بين الرباط ومدريد باين فين غادي ويمكن حتى 2022 مغاديش يتبدل والو. الخطوة اللي خذاها مجلس الوزراء الاسباني بناءا على اقتراح من رئيس الوزراء "بيدرو سانشيز" مؤخرا وبالضبط ف اجتماع 28 دجنبر الحالي بتوشيح وزيرة الفتنة "لايا گونزاليث" بوسام كارلوس الثالث، اللي يعتبر أعلى وسام مدني كتمنحو الحكومة غادي يزيد من عمق الخلاف بين البلدين.
وعلى حسب ما نشرات "لاراثون"، نقلا عن تقارير إخبارية مغربية، فتوشيح الرئيسة السابقة للديبلوماسية الإسبانية كيبين أن أحزاب سياسية اسبانية باغية تبقى العلاقات بين الرباط ومدريد معقدة وديما التصعيد والخلاف بيناتهم.
وأضافت الجريدة الاسبانية نقلا عن التقارير ذاتها، أن هاذ الخطوة تكشف مجموعة من التساؤلات والشكوك حول النوايا الحقيقية لبعض الأوساط السياسية الإسبانية، اللي كتحاول تستفز المغرب من خلال توشيح وزيرة مغضوب عليها من طرف المغرب بهاذ الوسام المدني اللي كيتمنح على أساس تقدير الشخصيات المدنية على الخدمات اللي قدموها خلال المهام ديالهم للدولة الإسبانية.
https://www.larazon.es/espana/20211231/aqaz4lkehbam5mkosdax3hfnju.html