بلوكاج فقطاع الاتصال.. الكاتب العام لي داير العصا فالرويضة قريب يطير وموظفين راسلو الوزير بنسعيد

علمت "كود" أن الكاتب العام لقطاع الاتصال بوزارة الشباب والثقافة والاتصال، مهدد بالإعفاء، خصوصا بعدما راسل عدد من الموظفين، الوزير المهدي بنسعيد، حول صعوبة الاشتغال مع هذا المسؤول القادم من قطاع التعليم.
وحسب معلومات "كود" فإن الكاتب العام المتقدم في السن، اللي جابو الوزير السابق محمد الأعرج، من مسؤولية بوزارة التعليم لا علاقة لها بقطاع الاعلام، مامفهمش مع الأطر ديال هاد القطاع.
هاد المسؤول لي تعين مدير بالنيابة للمركز السينمائي المغربي، وفشل فهاد المنصب، مبقاش ليه بزاف يصيفطوه من قطاع الاتصال، حسب مصادر من داخل الوزارة.
الوضع فقطاع الاتصال لا يبشر بخير وبسباب هاد المسؤول وتصرفاتو وقع بلوكاج لعدد من الملفات لي خصها معالجة وتقاد. الموظفين ف الكتابة العامة مبقاوش باغين يزيد خطوة مع الكاتب العام.