"الشبح".. مجلة "لو بوان": جسوس مغربي خدا معلومات دفاعية سرية واختارق الجماعات الإرهابية ففرنسا

تقرير صحفي دارتو مجلة "لو بوان" الفرنسية، على جسوس مغربي، قالو انه خدا معلومات دفاعية سرية، واختارق الجماعات الإرهابية ف فرنسا، واللقب ديالو الرجل الشبح.
هاد الجاسوس قالت "لو بوان" اللي سماتو "محمد ب" انه يشتبه ف اختراقو لمنظمات إسلامية فرنسية بطلب من أجهزة المخابرات المغربية.
واضافت المجلة فتقريرها اللي دارو الصحافي مارك لوبلونجون المتخصص ف القضايا البوليسية والقضائية، ان هاد الجاسوس قدر ياخد معلومات سرية على ناس عندهم علاقة بالحركات الإرهابية، وقدر ياخد وثائق رسمية سرية.
وماشي غير هادشي، المجلة قالت ان هاد "الشبح"، حاول يأثر على ممارسة الإسلام ف فرنسا وتعامل مع رئيس المجلس الفرنسي للديانة الإسلامية. وزادت انه ساكن ف فرنسا من 2010.
وقالو انه مازال ف هاد الايام، تبان معلومات ومعطيات اخرى على هادشي.
قضية الجاسوس "محمد ب" هضرات عليها حتى "البي بي سي" ف برنامجها "تريندينگ".
https://www.lepoint.fr/societe/exclusif-l-offensive-des-services-secrets-marocains-sur-l-islam-de-france-01-12-2021-2454702_23.php