أول لاعب ف تاريخ الكرة. رونالدو وصل للهدف 800

رسميا ولى نجم الكرة البرتغالي، كريستيانو رونالدو، أول لاعب فتاريخ كرة القدم كيوصل ل800 هدف فالكاريير ديالو، بعدما ماركا جوج بيوت فالماتش ديال فرقتو مانشستر يونايتد مع أرسنال، الخميس 2 ديسمبر 2021، برسم الدورة 14 من الشامپيونا دالنكَليز، واللي سالا (الماتش) ب3 ل 2 لصالح صحاب رونالدو.
ووصل مجموع أهداف اللاعب البرتغالي فالفترتين اللي دوزهم مع "الشياطين الحمر" ل130، وكان قبل ماركا 5 أهداف لسبورتينكَ لشبونة فبدايتو الاحترافية، و450 هدف لريال مدريد، و101 لجوفنتوس، و115 لمنتخب البرتغال.
وبالأرقام كيبقى كريستيانو رونالدو هو الهداف التاريخي ديال المنتخبات، والتشامبيونز ليكَ الأوروبية و ريال مدريد.
وقال الهداف التاريخي للبريميرليكَ، اللاعب الإنكَليزي السابق آلان شيرر، فشهادة مصورة دازت ف پلاتفورم "أمازون پرايم": "خاص الواحد يكَلس و يتمتع باللعب ديال كريستيانو و يتعجب، ويحييه على هاد الپيرفورمونس...".