بنزيما مابقاش ساهل . حطم رقم قياسي كان عند رونالدو

بعدما خرج من ظل كريستيانو لي غادر لليوفي هاذ الموسم ، بدا اللاعب الفرنسي كريم بنزيما الموسم بطريقة زوينة بزاف ، وكانت 3 ديال الماتشات كافية لنجم ريال مدريد باش يحطم رقم قياسي كان عند زميلو السابق “صاروخ ماديرا” .
بحيت سجل بنزيما ولي فعمر 30 عاما ، جوج أهداف أمام فريق “ليغانيس” ، فالماتش لي سالا بفوز الملكي ب4-1 نهارالسبت لي فات ، ورفع رصيدو ل 4 ديال الأهداف في 3 ديال المباريات فقط بالدوري الإسباني ،وهادي المرة اللولة لي كيماركي فشباك “ليغانيس”، الي أصبح الفريق ال33 الذي ماركا ضدو فالليغا ، وكيتصدر حاليا قائمة هدافي الدوري إلى جانب ليونيل ميسي نجم برشلونة .
وبهاذ الإنجاز حطم المتألق الفرنسي الرقم لي كان عند رونالدو ، بالتسجيل فشباك 32 فريق فالبطولة الأسبانية ، خلال 9 ديال المواسم دوزها ف”سانتياغو برنابيو”.